Кадыров Ахьмад-Хьаьжин Рамзанан дӀадолорца дӀакхайкхийначу Нохчийн халкъан историн а, историн хIолламийн а, архитектурин а, культурин тIаьхьалонийн а шарца а догӀуш, Нохчийн Республикин къоман политикин, арахьарчу зIенийн, зорбанан, хаамийн министерствоца цхьаьна Къоман «Даймохк» газето 8-11-чуй классашкарчу дешархошлахь дӀакхайкхиначу тоьлла статьяш йазйаран «САН ДАЙМЕХКАН ИСТОРИ!» къовсаман жамӀаш дина Зорбанан цӀийнехь. Къовсаме дакъа лаьцначу 50 гергга дешархошна йуккъехь 3-гӀа меттиг йаьккхинарг йу Соьлжа-ГӀалин лоьмар 34 йолчу школин дешархо Гумашвили Хьава. Толамхошна дипломаш а, мехала совгӀаташ а дӀаделира Нохчийчоьнан МинНацИнформан шуьйрачу хаамийн гӀирсийн департаментан директора Музуров Ламберта а, Къоман «Даймохк» газетан коьртачу редактора Шамсудинов Бувайсара а, Шуьйрачу хаамийн гӀирсийн белхахой кечбаран а, йухакечбаран туьшан директора Юнусов Хьамзата а. Дала тIаьхье беркате йойла! #нохчийнмотт #къовсамСанДаймехканИстори #СоьлжаГIала #МовлинЗелимха #СоьлжаГlалиндешаранДепартамент